Bitta ovozga bitta kola: "Tashabbusli byudjet" yana boshlanmoqda

Unga koʻra, 1 fevraldan boshlanayotgan "Tashabbusli byudjet" loyihasi 20 martga qadar davom etadi. Loyihaga kiritish bosqichi 20 kun boʻlib, 1–20 fevral oraligʻida amalga oshiriladi. 

Saralash bosqichi 21 fevraldan 7 martga qadar boʻlib oʻtadi. Targʻibot bosqichi esa 8–10 mart kunlari rejalashtirilgan. Eng soʻnggi bosqich, yaʼni ovoz berish bosqichi 11–20 mart kunlari oʻtkaziladi. 

Joriy yildagi 1-mavsum gʻoliblari 21 mart — Navroʻz bayrami kuni eʼlon qilinadi. 

Maʼlumot uchun, "Tashabbusli byudjet" loyihasini amalga oshirish Oʻzbekiston Respublikasi Prezidenti Shavkat Mirziyoyevning 2019 yil 27 dekabrdagi Oliy Majlisdagi murojaatnomasida taklif bergan. 

Ushbu loyiha fuqarolarning mahalliy byudjet mablagʻlarini taqsimlashda ishtirokini taʼminlashga qaratilgan boʻlib, unda fuqarolar oʻz hududlaridagi muammolarni hal etish yoki infratuzilmani yaxshilash boʻyicha takliflar berishadi, soʻngra eng koʻp ovoz toʻplagan takliflar mahalliy byudjet hisobidan moliyalashtiriladi.