Битта овозга битта кола: "Ташаббусли бюджет" яна бошланмоқда

Унга кўра, 1 февралдан бошланаётган "Ташаббусли бюджет" лойиҳаси 20 мартга қадар давом этади. Лойиҳага киритиш босқичи 20 кун бўлиб, 1–20 февраль оралиғида амалга оширилади. 

Саралаш босқичи 21 февралдан 7 мартга қадар бўлиб ўтади. Тарғибот босқичи эса 8–10 март кунлари режалаштирилган. Энг сўнгги босқич, яъни овоз бериш босқичи 11–20 март кунлари ўтказилади. 

Жорий йилдаги 1-мавсум ғолиблари 21 март — Наврўз байрами куни эълон қилинади. 

Маълумот учун, "Ташаббусли бюджет" лойиҳасини амалга ошириш Ўзбекистон Республикаси Президенти Шавкат Мирзиёевнинг 2019 йил 27 декабрдаги Олий Мажлисдаги мурожаатномасида таклиф берган. 

Ушбу лойиҳа фуқароларнинг маҳаллий бюджет маблағларини тақсимлашда иштирокини таъминлашга қаратилган бўлиб, унда фуқаролар ўз ҳудудларидаги муаммоларни ҳал этиш ёки инфратузилмани яхшилаш бўйича таклифлар беришади, сўнгра энг кўп овоз тўплаган таклифлар маҳаллий бюджет ҳисобидан молиялаштирилади.