Xitoyda to‘liq sun’iy intellektga asoslangan shifoxona ochildi

Loyihaga rahbarlik qilayotgan Lyu Yan bu muassasa tibbiyot sohasi va keng jamoatchilik uchun katta imkoniyatlar ochishini aytmoqda. Sun’iy intellekt yordamida haqiqiy shifoxona muhitini yaratish va virtual shifokorlar tomonidan bemorlarni mustaqil davolash millionlab inson hayotini saqlab qolishi mumkin. 

Sinov jarayonida AI shifokorlar AQSH Tibbiy litsenziya imtihoni savollari bazasi testida 93,06 foiz aniqlik natijasiga erishgan. Virtual shifokorlar asosan nafas yo‘llari kasalliklarini aniqlash va davolash bilan shug‘ullanadi. 

Ular bemorni qabul qilish, tekshiruv, tashxis, davolash va kuzatish kabi barcha jarayonlarni mukammal simulyatsiya qiladi.Taqqoslash uchun, inson shifokorlar aynan shuncha bemorni davolash uchun kamida ikki yil vaqt sarflashlari kerak bo‘ladi. 

AI shifoxonada 14 nafar virtual shifokor va 4 nafar hamshira faoliyat yuritadi. Shifokorlar tashxis qo‘yish va individual davolash rejalarini tuzish bilan shug‘ullanadi, hamshiralar esa bemorlarni kunlik parvarish qiladi.

Bu loyiha tibbiy ta’lim sohasida ham katta imkoniyatlar yaratadi. Talabalar xavfsiz muhitda bemorlarni tashxislash va davolash ko‘nikmalarini mashq qilishi mumkin. Bu esa kelgusida malakali va tayyor shifokorlar yetishib chiqishiga zamin yaratadi. 

Shuningdek, AI shifoxonasi onlayn tibbiy xizmat ko‘rsatish imkoniyatiga ega bo‘lib, sun’iy intellekt shifokorlari minglab, hattoki millionlab holatlarni masofadan boshqarishi mumkin. Bu, ayniqsa, yuqumli kasalliklar tarqalishini oldini olish va nazorat qilishda muhim rol o‘ynaydi.