Oʻzbekistonda urbanizatsiya poygasi: 2026 yilda 140 ming xonadon uchun uy quriladi

Prezident Shavkat Mirziyoyevga taqdim etilgan yangi strategik reja mamlakatning demografik oʻsishi va aholi farovonligini taʼminlashga qaratilgan muhim qadamlarni oʻz ichiga oladi.

Qurilish hajmi: har yili yangi rekordlar

Hukumat kelgusi yillarda oʻy qurilishini bosqichma-bosqich kengaytirishni maqsad qilgan. Xususan:

• 2026 yilda — 140 ming xonadon
• 2027 yilda — 150 ming xonadon
• 2028 yilda — 160 ming xonadon

Bu raqamlar soʻnggi 8 yilda amalga oshirilgan ulkan ishlar (120 million kv.m turar joy) davomidir. Shu davrda 541 ming fuqaro 103 trln soʻmlik moliyaviy koʻmak (ipoteka va subsidiyalar) yordamida uyga ega boʻldi.

Demografik bosim va 2040 strategiyasi

Hozirgi kunda Oʻzbekistonda har yili taxminan 200 ming yangi oila barpo etiladi. Hozirgi oʻrtacha uy-oʻy maydoni 18,9 kv.m. Xalqaro standartlarga muvofiq, bu koʻrsatkichni 23 kv.m ga chiqarish choralari koʻrilmoqda.

“Strategik maqsad — 2040 yilga borib, yillik qurilish hajmini 280 ming xonadonga yetkazish.”

Eskirgan uylar oʻrniga zamonaviy rekonstruksiya

Yangi tizimning asosiy ustunlaridan biri — renovatsiya. Hozirda uy-oʻy fondini yangilash ulushi 15% boʻlsa, 2040 yilga kelib bu koʻrsatkich 60% ga chiqarilishi va “Yangi Oʻzbekiston” massivlari soni 120 taga yetkazilishi rejalashtirilgan. Bu jarayonlarni muvofiqlashtirish uchun maxsus qoʻmita ham tashkil etildi.

Byurokratiyaga barham: “Qurilishga tayyor yer”

Tadbirkorlar va quruvchilar uchun eng katta yangilik — ruxsat olish jarayonlarining isloh qilinishidir. Hozirgi 9 bosqichli va 120 kungacha choʻzilgan jarayon oʻrniga quyidagi tizim taklif qilinmoqda:

• Auksiondan oldin tayyor hujjatlar — yer auksionga chiqishidan oldin barcha ruxsatnomalar rasmiylashtiriladi.

• Tezkor start — tadbirkor yerni utgan kundan boshlab, qoʻshimcha kelishuvlarsiz qurilishni boshlashi mumkin.

   

Raqamli kelajak va xalqaro tajriba

Sohani modernizatsiya qilishda raqamli boshqaruv va loyiha institutlarini kuchaytirish ustuvor vazifa qilib belgilandi. Shuningdek, jarayonlarga xorijiy mutaxassislar jalb qilinishi qurilish sifati va samaradorligini yangi bosqichga olib chiqishi kutilmoqda.

Prezident Shavkat Mirziyoyev ushbu takliflarni maʼqullab, belgilangan marralarga erishish boʻyicha aniq vazifalarni belgiladi.