Veolia issiqliq tariflari nega oshayotganini tushuntirib berdi

Oktabrdan issiqlik taʼriflari 15% oshadi, lekin bu hali tannarxdan ancha past. Tannarx toʻliq qoplanishi uchun narxlar 5,5 baravar oshirilishi kerak.

Veolia Energy Tashkent 2025 yil oktabr oyidan boshlab issiqlik taʼminoti tariflari oshirilishini eʼlon qildi.

Kompaniya xabariga koʻra, bu energiya resurslari narxi oshishi bilan bogʻliq: may oyidan beri gaz narxi 20 foizga, elektr 11 foizga, sotib olinadigan issiqlik esa 13 foizga oshdi.

Shu sababli, aholi uchun issiqlik tariflari 15 foizga, byudjet tashkilotlari uchun 18,8 foizga, yuridik shaxslar uchun esa 40 foizga oshirildi.

Bugungi kunda issiqlik taʼminoti shahar byudjetining eng koʻp subsidiyalanadigan yoʻnalishlaridan biri boʻlib qolmoqda. Fuqarolar issiqlik xarajatlarining faqat 19,7 foizini toʻlamoqda, qolgani esa davlat hisobidan moliyalashtirilmoqda. Ammo hukumat strategiyasida 2030 yilgacha subsidiyalardan toʻliq voz kechish koʻzda tutilgan.