Isitish mavsumida tabiiy gaz isteʼmoli boʻyicha baʼzaviy meʼyor 5 barobarga oshiriladi

 Qoraqalpogʻiston Respublikasi va Xorazm viloyatida esa oktabr — fevral oylarida bir oylik meʼyor 500 kub metr etib belgilanadi.

Ehtiyojmand oilalar uchun kompensatsiya
Prezident qaroriga koʻra, ehtiyojmand oilalar ishlatgan elektr energiyasi va tabiiy gaz uchun davlat tomonidan har oyda kompensatsiya beriladi:

Elektr energiyasi — 200 kVt·soatdan ortiq 150 kVt·soatgacha;

Tabiiy gaz — qish oylarida 250 kub metrgacha, boshqa oylarda esa 150 kub metrgacha baʼzaviy meʼyordan ortiq foydalanilgan qismi uchun.

Ilgari kompensatsiyalar faqat qish oylarida amal qilgan boʻlsa, endi yil davomida har oyda beriladi.

Shuningdek, 2025/2026 yilgi isitish mavsumi uchun noyabr oyida har bir ehtiyojmand oilaga 1 mln soʻmdan moddiy yordam ajratiladi.