Isroil OAV: AQSh va HAMAS oʻrtasida muzokaralar qayta tiklandi

Isroil ommaviy axborot vositalari xabariga koʻra, bir haftalik tanaffusdan soʻng AQSh va HAMAS oʻrtasida muzokaralar yana davom etmoqda.

Israel Hayom nashri yozishicha, Amerika va arab manbalari muzokaralar qayta boshlanganini tasdiqlagan, ammo Vashington Isroilning Gʻazoga hujum operatsiyalarini toʻxtatish niyatida emas.

Maʼlumotlarga koʻra, Misr va Qatar vositachiligida olib borilgan urinishlar natija bermaganidan keyin muzokaralar qayta yoʻlga qoʻyilgan. AQShning pozitsiyasiga koʻra, urush faqat barcha garovdagilar ozod qilingan taqdirdagina toʻxtashi mumkin. Shu sababdan Vashington Isroil bilan toʻgʻridan-toʻgʻri muzokara jarayonini tezlashtirish zarurligini taʼkidlamoqda.

AQSh prezidenti Donald Tramp ham oʻtgan kuni chiqishida Vashingtonning HAMAS bilan asirlar almashinuvi boʻyicha faol muloqot olib borayotganini aytdi. Uning soʻzlariga koʻra:

«Biz HAMAS bilan juda shiddatli muzokaralar oʻtkazyapmiz. Biz ularga: “hamma asirlarni darhol ozod qiling — shunda barchasi ancha yaxshiroq boʻladi. Agar ozod qilmasangiz, oqibati juda yomon boʻladi”, deb aytdik».

Tramp, shuningdek, HAMAS qoʻlida boʻlishi mumkin boʻlgan 20 nafar shaxsni ozod qilish imkoniyati muhokama qilinayotganini, yana 30 nafar asir esa katta ehtimol bilan halok boʻlganini qoʻshimcha qildi.