Gʻazoga zarbalarni toʻxtatish toʻgʻrisidagi kelishuvga qaramay Isroil hujumlarni davom ettirdi

Maʼlumotlarga koʻra, zarbalar natijasida yetti nafar falastinlik yaralangan, hududlar ustida qora tutun koʻtarilgan.

Nosir shifoxonasi manbalari maʼlum qilishicha, Gʻazo janubidagi Xon-Yunus shahrida amalga oshirilgan havo hujumlari oqibatida uch kishi yaralangan.

Shuningdek, guvohlar soʻzlariga koʻra, Gʻazo shahrining Az-Zaytun mahallasiga qilingan artilleriya hujumlari natijasida yana toʻrt nafar falastinlik tan jarohati olgan.

Avvalroq AQSh prezidenti Donald Tramp Isroil va HAMAS oʻrtasida oteshkesning ilk bosqichi boʻyicha kelishuvga erishilganini maʼlum qilgan edi.

Trampning soʻzlariga koʻra, kelishuv doirasida asirlar yaqin vaqt ichida ozod etiladi, Isroil qurolli kuchlari esa oldindan belgilangan chiziqqa chekinadi.

“Katta iftixor bilan aytamanki, Isroil va HAMAS bizning tinchlik rejamizning birinchi bosqichini maʼqulladi. Barcha asirlar yaqin vaqt ichida ozod etiladi”, — dedi Tramp.

Shundan soʻng Isroilning KAN telekanali oteshkes toʻgʻrisidagi kelishuv amalga kirganini xabar qilgan edi.