Germaniya Suriyadagi yangi hokimiyatga 8 million yevro bermoqchi

Tashqi ishlar vaziri Annalena Berbokga koʻra, bundan asosiy maqsad Suriyaga kelgan yangi hokimiyatning tinch yoʻl bilan hukumatni qoʻlga olishi boʻlib, bundan voqelarni chet el aralashuvisiz, yaʼni Turkiya yoki Isroil ishtirokisiz amalga oshilishidan iborat. 

Bundan tashqari, Annalena Berbok "Hayʼat Tahrir ash-Shom" guruhi suriyalik ayollarning etnik va diniy huquqlarini hurmat qilish lozimligini taʼkidlagan.

"Germaniya hali bu guruh bilan rasman toʻgʻridan-toʻgʻri aloqaga ega emas, ammo “Al-Qoida bilan” munosabatlari bor. Biz "Hayʼat Tahrir ash-Shom"ni ularning qilayotgan harakatiga qarab baholaymiz", degan vazir.

Shuningdek, u Suriyaga 8 million yevrolik shoshilinch insonparvarlik yordamini joʻnatishini taʼkidlab, muxolifatchilarni Suriyani qayta tiklashga va mamlakatdagi inqirozni tezroq yengishga chaqirgan. 

Bundan tashqari, Germaniya Suriyadagi yangi hukumatdan Asad rejimining jinoyatlarining qonuniy ravishda tekshirilishi va masʼullarning jazolanishini talab qilgan. Germaniya Bashar Asadning kimyoviy qurollarini xalqaro nazoratga olinishi va bu qurollarni ishlatilishini taqiqlash kerakligini maʼlum qilgan. 

Rejaning soʻnggi qismi Germaniya va Suriya orasidagi aloqalarni saqlab qolish va rivojlantirishga tegishli ekanligi aytiladi. Shu maqsadda Germaniyada Suriya boʻyicha koordinator lavozimi joriy etilmoqda. Bu lavozimga mamlakat milliy parlamenti aʼzosi Tobias Lindnerning "Yashillar" partiyasidan nomzodi olinadi.