Google SI infratuzilmasini kengaytiradi

Maʼlumotlarga koʻra, bitim naqd pul asosida amalga oshirilgan va mavjud qarz majburiyatlari ham Google zimmasiga oʻtgan. Intersect Power bitimdan soʻng mustaqil kompaniya sifatida faoliyatni davom ettiradi, biroq Google’ning asosiy energetik sherigiga aylanadi.

Intersect Power kommunal miqyosdagi quyosh elektr stansiyalari, akkumulyator saqlash tizimlari va integratsiyalashgan energiya infratuzilmasini loyihalash, qurish va boshqarishga ixtisoslashgan. Kompaniya loyihalari yirik elektr isteʼmolchilari, jumladan data-markazlar yonida joylashtirish uchun moʻljallangan.

Tahlilchilarga koʻra, ushbu xarid Google’ning «yashil imidj» strategiyasidan koʻra, sunʼiy intellekt rivojidagi asosiy toʻsiq — uzluksiz va yetarli elektr taʼminoti muammosini hal qilishga qaratilgan.

 AI data-markazlari anʼanaviy bulutli xizmatlarga nisbatan bir necha barobar koʻproq energiya talab qiladi, mavjud elektr tarmoqlari esa bu surʼatga ulgurmayapti.

Google shu orqali data-markazlar yonida quyosh stansiyalari va akkumulyatorlardan iborat xususiy energiya manbalarini joylashtirib, umumiy elektr tarmoqlariga bogʻliqlikni kamaytirishni rejalashtirmoqda.

Avvalroq Microsoft atom va qayta tiklanuvchi energiya boʻyicha uzoq muddatli kelishuvlar imzolagan, Amazon esa qayta tiklanuvchi energiya loyihalariga toʻgʻridan-toʻgʻri investitsiyalar kiritgan edi.

 Google’ning mazkur qarori esa texnologiya kompaniyalari energiya infratuzilmasini strategik resurs sifatida qabul qila boshlaganini koʻrsatmoqda.