Istanbul yaqinida ikkita Turkiya savdo kemasi to‘qnashib ketdi

2-sentyabr kungi Istanbul gubernatorligi bayonotga ko‘ra, Turkiya bayrog‘iga ega Egey dengizining Aliog‘a portiga yo‘l olgan “Alsu” hamda Qora dengizning Karadeniz Eregli portiga yo‘l olgan “Tugberk Imamoglu” kemalari chorshanba kuni mahalliy vaqt bilan taxminan 03:00 da to‘qnashgan.

Voqea joyiga qidiruv-qutqaruv ishlari uchun sohil xavfsizlik xizmatining kemalari va vertolyotlari jo‘natildi. “Alsu” kemasida ko‘zga ko‘rinarli shikastlanishlar yo‘q, deyiladi bayonotda. Biroq rasmiylar “Tugberk Imamoglu” kemasi va uning 10 nafar ekipaj a’zosi bilan aloqa o‘rnata olmagan.

Zeybe Denizcilik kompaniyasiga tegishli “Tugberk Imamoglu” quyma yuk tashuvchi kema sifatida, Ozpulathane Deniz Tasimaciligi kompaniyasiga tegishli “Alsu” esa kimyoviy tanker sifatida faoliyat yuritadi.