Talas shahrining 82 yilligiga bag'ishlangan tadbir bekor qilindi

Talas viloyatida o‘smir B.T.ni qidirish chog‘ida Favqulodda vaziyatlar vazirligi  g‘avvosining halok bo‘lishi ortidan Talas shahrining 82 yilligiga bag‘ishlangan tadbirlar noma’lum muddatga qoldirildi.

Mavjud ma’lumotlarga ko‘ra, prezidentning Talas viloyatidagi muxtor vakili Ermat Jumayev viloyatda rejalashtirilgan barcha tadbirlar kechiktirilganini ma’lum qilgan.

Qutqaruvchi-g‘avvos Asqar Qozibekov Talas daryosida o‘smirni qidirayotganda jarohat olgan. Unga tibbiy yordam ko‘rsatilishiga qaramay, hayotini saqlab qolishning imkoni bo‘lmadi.

Asqar Qozibekov 1994-yilda tug‘ilgan. Uning ortidan turmush o‘rtog‘i va bir nafar qizi qoldi.

“Halok bo‘lgan g‘avvosning oila a’zolari va yaqinlariga chuqur hamdardlik izhor etaman”, — deya ta’kidladi Ermat Jumayev.

Shuningdek, u yuz bergan fojia munosabati bilan viloyat ahli va yurtdoshlariga murojaat qildi.