Livandan Isroilga 35 ta raketa uchirildi

Isroil Mudofaa kuchlari, raketalar Yuqori Jaliladagi Meron hududi tomon otilganini aytdi. Ulardan yettitasi Isroil havo hujumidan mudofaa tizimlari tomonidan tutib olingan.

Qurbonlar haqida hozircha maʼlumotlar yoʻq.

Isroilning Ynet axborot sayti xabar berishicha, raketa hujumi ortidan Isroil Xebbariya va Kunin shaharlari hamda Livan janubiga artilleriya zarbalari bergan.

Hizbulloh hujum uchun masʼuliyatni oʻz zimmasiga oldi va shanba kuni Isroilning Xirbet Selm hududidagi uyga qilgan halokatli havo hujumiga javoban "oʻnlab raketalar" otilganini aytdi.

Livan rasmiy Milliy axborot agentligi xabariga koʻra, hujum oqibatida kamida besh kishi, jumladan, bir oiladan toʻrt nafari halok boʻlgan, yana toʻqqiz kishi yaralangan.

Maʼlumotlarga koʻra, Xirbet Selmadagi havo hujumidan maqsad “Hizbulloh” jangarilari joylashgan harbiy tuzilmani yoʻq qilish boʻlgan.