Rossiya Leningrad viloyatiga qilingan dron hujumlarini qaytarmoqda

Muhim energiya eksporti infratuzilmasi va yirik neftni qayta ishlash zavodi joylashgan Leningrad viloyatida chorshanbadan boshlab Sankt-Peterburg shahrida iqtisodiy anjuman — Prezident Vladimir Putinning “Rossiya Davosi” forumi bo‘lib o‘tmoqda.

Rossiya 2022-yilda Ukrainaga qo‘shin kiritganidan beri beshinchi bor o‘tkazilayotgan ushbu sarmoyaviy forum, Rossiya nazoratidagi Luganskka uyushtirilgan va qurbonlarga sabab bo‘lgan hujumga javoban Kiyevga qilingan dron va raketa hujumidan bir necha soat o‘tib o‘z ishini boshladi.

Chorshanbaga o‘tar kechasi Moskva tomon yo‘l olgan 13 ta dron urib tushirildi, dedi shahar meri Sergey Sobyanin.

Rossiyaning aviatsiya nazorati idorasi “Rosaviatsiya” mamlakatning ikkinchi yirik va Putinning ona shahri bo‘lmish Sankt-Peterburgdagi Pulkovo aeroportida parvozlar vaqtincha cheklanganini ma’lum qildi.

Mahalliy axborot vositalarining xabar berishicha, 30 dan ortiq aviareys kechiktirilgan yoki bekor qilingan.

Ukraina so‘nggi paytlarda Moskvani daromaddan mahrum qilish maqsadida Rossiyaning energetika infratuzilmasiga hujumlarni kuchaytirgan.

Seshanba kuni u Rossiya janubidagi Ilskiy eksport neftni qayta ishlash zavodiga dronlar yordamida zarba berdi.

O‘zbekiston Prezidenti Rossiyaga boradi

Shavkat Mirziyoyev Vladimir Putinning taklifiga binoan 4-5-iyun kunlari amaliy tashrif bilan Sankt-Peterburg shahrida bo‘ladi.

Mirziyoyev “Pragmatik muloqot – barqaror kelajak sari yo‘l” shiori ostida o‘tadigan xalqaro iqtisodiy forumning yalpi yig‘ilishida ishtirok etadi va nutq so‘zlaydi.

Tashrif dasturida Rossiya Federatsiyasi Prezidenti bilan uchrashuv o‘tkazish hamda O‘zbekistonda birinchi integratsiyalashgan atom elektr stansiyasi qurilishini boshlash marosimida ishtirok etish rejalashtirilgan.