Ukraina “Masha va ayiq” multserialiga sanksiya joriy etdi

Rasmiy xabarda aytilishicha, bolalar kontenti niqobiga yashiringan ushbu multserial Ukrainaning milliy xavfsizligiga tahdid solib, rossiyaparastlik mafkurasini tarqatadi.

Sanksiyalar ro‘yxatiga multserial muallifi bo‘lgan “Animakkord” studiyasi, uning asoschisi, bosh direktori, shuningdek, multfilm ssenaristi, rejissyori, prodyuseri, serial hammuallifi hamda huquqiy egasi kiritildi.

Serial hammualliflari esa tajovuzkor davlat budjetiga mablag‘ to‘lab kelishi ta’kidlandi.

“Rossiya targ‘ibotiga, ayniqsa, bolalarga qaratilib, yirik xalqaro platformalar orqali tarqatilayotgan bo‘lsa, unga alohida munosabat bildirishimiz kerak”, – dedi prezident maslahatchisi Vladislav Vlasyuk.

Xabarda Ukraina sanksiyalarni xalqaro yurisdiksiyalarda muvofiqlashtirish uchun barcha dalillarni taqdim etishi aytilgan.

Yana kimlarga sanksiya?

Ukraina Prezidenti Vlodimir Zelenskiy imzolagan to‘rtta farmonda Rossiya harbiy-sanoat kompleksi korxonalari, “Rusal” guruhi tarkibiga kiruvchi kompaniyalar, Rossiyaning yuqori martabali amaldorlari sanab o‘tilgan.

Qarorlarga ko‘ra, 28 nafar Rossiya fuqarosi, 36 ta Rossiya va bitta Xitoy kompaniyasiga nisbatan sanksiyalar joriy etildi.