Yaponiyada kuchli boʻron oqibatida 30 kishi halok boʻldi

Yaponiyada qishki boʻronlar oqibatida halok boʻlganlar soni 30 kishiga yetdi. Bu haqda NBC News xabar bermoqda.

20 yanvardan boshlab yogʻgan yomgʻir va qor oqibatida 100 dan ortiq odamlar jabrlandi. Hukumat qariyb ikki metrli qor toʻplamini tozalashda mamlakatning oʻzini himoya qiladigan kuchlari yordamidan foydalanmoqda. Shu bilan birga, Sapporo shahrida 2300 mildan ortiq yoʻlda qarni tozalash uchun 1000 ta qortozalash mashinasi faoliyat yuritmoqda.

Kuchli qish oqibatida Xokkaydo aeroporti vaqtincha yopildi va bir qator avtomagistrallarda harakat cheklandi. Poyezdlar harakatida ham kechikishlar kuzatildi.

Maʼlumot uchun, 28 yanvarda The Guardian AQShda qish shtormi oqibatida 40 dan ortiq odam halok boʻlgani haqida xabar bergan edi.