Жанубий Кореянинг собиқ президенти ҳибсга олинди

Қайд этилишича, бу Жанубий Корея тарихида биринчи марта амалдаги президентни ҳибсга олиш ҳисобланади. Юн Сок Ёль қўлга олинганидан кейин сўроқ қилиш учун Сеул шаҳри жанубидаги Коррупция бўйича тергов бюроси офисига олиб кетилган. 

Сўроқда Марказий разведка бошқармаси бошлиғи ўринбосари Ли Чже Сеунг, Юннинг адвокатлари ва бошқа вакиллари иштирок этган. 

Юн Сок Ёль ҳибсга олинганида сўнг қилган видео мурожаатида бу терговни ноқонуний деб атаган. Унинг айтишича, қон тўкилишининг олдини олиш учун у тергов хонасига келишга рози бўлган. 

Маълумот учун, 2024 йилнинг 14 декабрь куни Жанубий Корея Миллий ассамблеяси Юн Сок Ёлга нисбатан импичмент эълон қилинганидан сўнг у лавозимдан четлаштирилган эси. Ҳукумат уни ҳокимиятни суиистеъмол қилишда айбламоқда. 

Шунингдек, Юн Сок Ёлъ ўтган йилнинг 3 декабрга ўтар кечаси ҳарбий ҳолат эълон қилинганидан кейин депутатларнинг фармонга овоз беришини тўхтатиш учун Миллий ассамблеяга қўшин юборганликда айбланмоқда. 

Ҳокимиятдан четлаштирилган собиқ президентни ҳибсга олишга биринчи уриниш 3 январь куни содир бўлган. Бироқ ўша вақтда Юн Сок Ёлнинг қўриқчилари полицияга нисбатан қаршилик кўрсатган эди ва уни ҳибсга олиш режаси муваффақиятсиз тугаган эди.