AQSh 2026 yilgi Jahon chempionati xavfsizligi uchun qancha mablagʻ ajratadi?

Bu haqda mamlakatning mundialga tayyorgarlik boʻyicha ishchi guruhi rahbari Endryu Juliani maʼlum qildi.

Julianining aytishicha, Ichki xavfsizlik vaziri Kristi Noyem hamda Oq uy ishchi guruhi turnir xavfsizligi eng ustuvor masalalardan biri ekanini qayd etib, ajratilayotgan mablagʻ miqdori boʻyicha bu “eng yirik paketlardan biri” hisoblanadi.

Ajratiladigan mablagʻ tarkibi quyidagicha:

• 625 million dollar — huquqni muhofaza qilish organlarini qoʻllab-quvvatlash, kiberxavfsizlik boʻyicha treninglar, favqulodda vaziyatlarga tayyorgarlik ishlari uchun;
• 500 million dollar — dronlarga qarshi kurash dasturini kengaytirish uchun.

Maʼlumot uchun, 2026 yilgi Jahon chempionati 11 iyun – 19 iyul kunlari AQSh, Kanada va Meksika mezbonligida oʻtkaziladi. Turnirda tarixda ilk bor 48 ta terma jamoa ishtirok etadi.

Mundialga qurʼa tashlash marosimi 5 dekabr kuni, AQSh poytaxti Vashingtondagi “The Kennedy Center” majmuasida boʻlib oʻtadi.