Fabio Kannavaro: “Umid qilamanki, qurʼa natijalari oʻzbekistonliklarni xursand qiladi”

«Albatta, qurʼa oldidan hammamiz hayajondamiz. Bizning raqibimiz qaysi jamoalar boʻlishini kutayapmiz. Hozircha guruhimizga kimlar tushishini aytish qiyin. Umid qilamanki, qurʼa natijalari biz uchun ham, butun Oʻzbekiston muxlislari uchun ham qulay boʻladi», — dedi Kannavaro.

Maʼlum qilinishiga koʻra, tarixda ilk bor 48 ta jamoa ishtirok etadigan mundial uchun qurʼa 5 dekabr kuni soat 22:00 da boʻlib oʻtadi. Unda Oʻzbekiston terma jamoasi oʻz raqiblarini bilib oladi.

Tadbirda OʻFA rahbariyati, bosh murabbiy Fabio Kannavaro, murabbiylar shtabi, shuningdek FIFA tomonidan taklif etilgan oʻzbek futbol afsonasi Mirjalol Qosimov ham qatnashadi.