3 mart — Xalqaro eshitish salomatligini himoya qilish kuni: 2050 yilga borib 2,5 mlrd odam eshitish qobiliyatini yo‘qotadi

JSSTning Rossiya Federatsiyasidagi vakolatxonasi rahbariga ko‘ra, 2050 yilga kelib deyarli 2,5 milliard kishi eshitish qobiliyatini butunlay yo‘qotadi va kamida 700 million kishi eshitish qobiliyati cheklangan reabilitatsiyaga muhtoj bo‘ladi. 

"Bolalarda eshitish qobiliyati pasayishi 60 foiz holatda oldini olish mumkin bo‘lgan sabablar bilan bog‘liq. Bu kelajakda eshitish qobiliyatining yo‘qolishini kamaytirish uchun ham katta imkoniyat”, deydi u.

Ma’lumot uchun, har yili 3 mart — Xalqaro eshitish salomatligini himoya qilish kuni nishonlanadi. Bu kun Jahon sog‘liqni saqlash tashkiloti tomonidan eshitish qobiliyatini saqlash, eshitish kasalliklarini oldini olish va eshitish qobiliyati pasaygan insonlarga yordam ko‘rsatishga e’tibor qaratish maqsadida tashkil etiladi. 

Bu kunning asosiy maqsadi eshitish muammolariga e’tibor qaratish, eshitish salomatligini yaxshilash va eshitish yo‘qotilishini oldini olish uchun jamoatchilikni xabardor qilishdir. Butunjahon eshitish kuni doirasida turli tadbirlar, kampaniyalar va ma’lumot tarqatish ishlari olib boriladi.