«Mashinasozlar»dan Chorvoqqa qatnovchi avtobuslar qatnovi toʻxtatildi

Xabarga koʼra, harakat toʻxtatilganiga qaramay, tashuvchi yoʻnalishning yopilish sanasini oldindan eʼlon qilmagan.

1226-sonli avtobus 1 iyuldan ish boshlagan hamda aholi va sayyohlar orasida mashhur boʻlgan. Avtobuslar har kuni «Mashinasozlar» metro bekatidan Chorvoqqa (Xumson orqali) har 90 daqiqada qatnaydi. Birinchi avtobus ertalab soat 6:00 da, oxirgisi 20:30 da joʻnab ketadi. Oʻrtacha yoʻl vaqti taxminan 1 soat 30 daqiqani tashkil etdi. 

Yoʻnalishda har biri 47 yoʻlovchiga moʻljallangan zamonaviy MAN RR3 turistik avtobuslaridan foydalanilgan. Ular konditsioner va qulay oʻrindiqlar bilan jihozlangan. Yoʻl haqi 25 000 soʻm boʻlib, toʻlovni naqd yoki karta orqali amalga oshirish mumkin edi.

Avtobuslar Maxtumquli koʻchasi boʻylab, Yangi Oʻzbekiston bogʻi, Xoʻjakent turar joy massivi va Chinorkent dam olish maskani orqali Xumson qishlogʻiga borgan va u yerdan Chorvoq tomon yoʻnalish davom etgan.