Navoiyda fuqarolarni Ukrainaga qarshi urushga yollash orqali pul ishlamoqchi boʻlgan shaxs ozodlikdan mahrum qilindi

44 yoshli ayol fuqarolarni Rossiya tomonidan Ukrainaga qarshi urushda ishtirok etsa, oyiga 4-7 ming AQSh dollaridan pul berilishini aytib, qiziqtirib kelgan. U bir fuqaroni yollab, Rossiyaga joʻnatish uchun Toshkent viloyatida joylashgan “Navoiy” chegara-bojxona posti orqali Qozogʻistonga oʻtayotganida DXX Navoiy viloyati boʻyicha boshqarmasi tomonidan ushlangan.

Ulashish:

Navoiyda fuqarolarni Ukrainaga qarshi urushda Rossiya tomonidan ishtirok etishga yollash orqali pul ishlamoqchi boʻlgan ayol jinoiy jazoga tortildi. Kun.uz sud hujjati bilan tanishdi.

Sud hukmida keltirilishicha, 1981 yilda tugʻilgan N.U. Navoiy shahrida yashab kelgan. U muqaddam firibgarlik jinoyati bilan sudlangan.

N.U. 2024 yil oktabr oyida jinoyat ishining unga oid qismi alohida ish yurituviga olingan shaxs taklifiga asosan Samara shahriga borgan. Ushbu shaxs va ayol Oʻzbekiston fuqarolarini Ukrainaga qarshi urushga jalb qilib, moddiy manfaatdor boʻlish haqida jinoiy reja tuzishgan.

Shundan soʻng ayol 2025 yil yanvar oyida yashash manziliga qaytib kelgan. U oyiga 4 ming dollardan 7 ming dollargacha pul berilishini, yil davomida 40 ming dollar ishlab olishini aytib, fuqaro A.P.ni Ukrainaga qarshi urushda ishtirok etishga yollagan. Ayol fuqaroning chet elga chiqish pasporti maʼlumotlarini WhatsApp orqali Rossiyadagi sherigiga joʻnatgan. Soʻngra ushbu fuqaroni Rossiyaga joʻnatish uchun Toshkent viloyatida joylashgan “Navoiy” chegara-bojxona posti orqali Qozogʻistonga oʻtayotganida DXX Navoiy viloyati boʻyicha boshqarmasi tomonidan ushlangan.

N.U. sudda aybiga toʻliq iqror boʻlgan va qilmishidan afsusda ekanini aytib, suddan yengillik soʻragan.

JIB Karmana tuman sudi hukmi bilan N.U. Jinoyat kodeksining 25-moddasi orqali 154-moddasining 2-qismida nazarda tutilgan jinoyatni (yollanma shaxsni yollash, oʻqitish, moliyalashtirish yoki unga boshqa moddiy taʼminot berish, xuddi shuningdek, undan harbiy toʻqnashuv yoki harbiy harakatlarda foydalanish) sodir qilishda aybli deb topilgan. Unga Jinoyat kodeksining 57-moddasini qoʻllagan holda 3 yil muddatga ozodlikdan mahrum qilish jazosi tayinlangan.

Navoiy viloyati sudi jinoyat ishlari boʻyicha sudlov hayʼati apellyatsiya instansiyasi ajrimi bilan dastlabki sud hukmi oʻzgarishsiz qoldirilgan.

Oldinroq Rossiya armiyasiga yollangan navoiylik yigit 4 yil muddatga ozodlikni cheklash jazosiga tortilgandi.

Mavzuga oid yangiliklar

Koʻngilli boʻlib Rossiya tomonidan urushga kirgan oʻzbekistonlik qamaldi

40 yoshli Oʻzbekiston fuqarosi Ukraina urushida Rossiya tomonida turib qurolli janglarda ishtirok etgani uchun jinoiy javobgarlikka tortildi.

Oʻzbekiston

16.10.2025, 14:01

Ukraina Rossiyaning qariyb 1000 kvadrat metr hududini nazorat ostiga oldi

Ukraina Rossiyaning qariyb 1000 kvadrat metr hududini nazorat ostiga oldi

Dushanba kuni Ukraina Qurolli Kuchlari qoʻmondoni Aleksandr Sirskiy birinchi marta Rossiyaning Kursk viloyatida hujum operatsiyasini oʻtkazayotganini rasman tasdiqladi.“Interfaks-Ukraina” agentligining xabaricha, A. Sirskiy Oliy bosh qoʻmondonlik shtab-kvartirasi yigʻilishida hozirda Ukraina Qurolli kuchlari 1000 kvadrat metrga yaqin Rossiya hududini nazorat qilayotganini aytgan.

Jahon

13.08.2024, 16:08

Rossiya prezidenti kuzgi chaqiruv haqida farmon imzoladi

Rossiya Federatsiyasi prezidenti Vladimir Putin qurolli kuchlarga kuzgi chaqiruv haqida farmonni imzoladi. Chaqiruv 1 oktabrdan 31 dekabrgacha davom etadi. 

Jahon

30.09.2025, 19:06

NATO Ukrainada qoʻshinlarini joylashtirishni rejalashtirmaydi - Bosh kotib

Bu haqda payshanba kuni Xelsinkiga ikki kunlik tashrif bilan kelgan Alyans bosh kotibi Yens Stoltenberg Finlyandiya prezidenti Aleksandr Stubb bilan qoʻshma matbuot anjumanida aytib oʻtdi.

Jahon

07.06.2024, 11:54

2024-yilda Ukrainaga urushni davom ettirish uchun qoʻshimcha 5 milliard dollar kerak boʻladi

2024-yilda Ukrainaga urushni davom ettirish uchun qoʻshimcha 5 milliard dollar kerak boʻladi

Bu haqda payshanba kuni “Interfaks-Ukraina”, Moliya vazirligi hisobotiga koʻra maʼlum qildi.

Jahon

24.05.2024, 16:06

Rossiyada Ukrainadan tortib olingan tanklar namoish etilmoqda

Rossiyada "Gʻalaba kuni" arafasida Ukrainadan tortib olingan tanklar namoish etilmoqda

Rossiya poytaxti Moskva shahrida NATO davlatlariga tegishli, Ukraina bilan urush mobaynida qoʻlga kiritilgan 32 ta turli xil zirhli texnikalar namoyish etilmoqda. Bu haqida TASS axborot agentligiga tayanib Aksent.uz xabar bermoqda.

Jahon

03.05.2024, 14:17

So‘nggi yangiliklar

Tramp sanksiyalari sabab “Rosneft” va “Lukoyl” 5,2 mlrd dollarga arzonladi

Trampning yangi sanksiyalari Rossiya bilan munosabatlarni yanada keskinlashtirdi. Hindiston Rossiya nefti importlarini qisqartira boshlagach, “Rosneft” va “Lukoyl” aksiyalarida katta muammolar yuzaga kelmoqda.

Iqtisodiyot

25.10.2025, 18:44

Oʻzbekistonda nikohlar kamaymoqda, ajrimlar esa koʻpaymoqda

Yil boshidan buyon 177 ming nikoh qayd etilgan boʻlsa, 32 ming oila buzilgan. Shuningdek, 16 ming ota-ona aliment toʻlamasdan qochib yuribdi va ayrimlari bolalarini qarz bilan tashlab ketishgan.

Oʻzbekiston

25.10.2025, 17:07

Sergey Mironov: "Til bilmaslikni bahona qilib davlatdan chiqarib yuborish — bu haqiqiy fashizm"

Sergey Mironov Latviyada rusiyzabonlarni chiqarishni “fashizm” deb atadi. Rossiyada qonunbuzar migrantlarni esa nafaqat oʻzi, balki butun oilasi bilan deportatsiya qilish tarafdori. Shuningdek, Mironov Rossiyaga mehnat migrantlari faqat vaxta usulida kelishi, ularning oilalari esa mamlakatga kiritilmasligi lozimligini bildirdi.

Jahon

25.10.2025, 14:51

London sudi “Vagner” bilan hamkorlik qilgan britaniyaliklarga hukm chiqardi

London sudi 20–23 yoshli olti nafar britaniya fuqarosini 7 yildan 17 yilgacha ozodlikdan mahrum qilish jazosi bilan hukm qildi. Ular 2024 yil mart oyida Rossiyaning terroristik tashkilot deb eʼtirof etilgan “Vagner” xususiy harbiy kompaniyasi topshirigʻi bilan sharqiy Londondagi omborni yoqib yuborgan.

Jahon

25.10.2025, 11:49

Kanadalik xonanda Devid Keroll oʻzbekistonliklarga murojaat bilan chiqdi

“Aybi” oʻzbekistonlik boʻlgan Suhrob Ubaydullayevni samolyotga chiqarmagan Vengriyaning Wizz Air loukasteri haqida Don’t Fly Wizzness Class qoʻshigʻini kuylagan kanadalik xonanda Devid Keroll ushbu taronani har tomonlama qoʻllab-quvvatlashni soʻrab instagram sahifasi orqali murojaat bilan chiqdi.

Oʻzbekiston

25.10.2025, 11:00

Oʻzbekiston prezidenti Belgiyaga tashrifini yakunladi

Oʻzbekiston Respublikasi prezidenti Shavkat Mirziyoyevning Belgiyaga rasmiy tashrifi yakunlandi.

Siyosat

25.10.2025, 06:57

Shavkat Mirziyoyev Belgiyaliklar qiroli bilan uchrashdi

Bryussel shahriga rasmiy tashrif doirasida Laken saroyida Oʻzbekiston Respublikasi prezidenti Shavkat Mirziyoyevning Belgiyaliklar qiroli Filipp bilan uchrashuvi boʻlib oʻtdi.

Siyosat

24.10.2025, 21:17

Oʻzbekiston va YeI munosabatlari yangi strategik bosqichga koʻtarildi

Bryusseldagi Yevropa kengashi qarorgohi — «Yevropa» binosida Oʻzbekiston Respublikasi prezidenti Shavkat Mirziyoyev Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayen bilan uchrashdi.

Siyosat

24.10.2025, 16:59

Yangiyoʻlda 1,1 mlrd soʻmlik elektr energiyasidan noqonuniy foydalanish holati fosh etildi

Bosh prokuratura huzuridagi Departamentning Yangiyoʻl tumani boʻlimi xodimlari tomonidan oʻtkazilgan tekshiruv jarayonida fuqaro M.P. tomonidan yirik miqdorda noqonuniy elektr energiyasi ishlatilgani aniqlandi.

Oʻzbekiston

24.10.2025, 15:09

Toshkent sudlarida joriy yilda 7 mingga yaqin nikohdan ajratish ishi koʻrildi

Toshkent shahar fuqarolik ishlari boʻyicha sudlarida 2025 yilning 9 oyida 7 mingga yaqin nikohdan ajratish ishi koʻrilgan. Bu koʻrsatkich oʻtgan yilning shu davriga nisbatan 468 taga koʻpdir.

Oʻzbekiston

24.10.2025, 14:08

"Navbahor" va "Neftchi" 3 ochkodan mahrum qilinishi mumkin — OʻFA

Oʻzbekiston futbol assotsiatsiyasi tomonidan Futbolchilarning maqomi va oʻtishi boʻyicha qoʻmitasi qabul qilingan qarorlar ijrosi tahlil qilindi.

Sport

24.10.2025, 11:03

Oʻzbekistonda «yashil» energiya hajmi 9 milliard kVt·soatga yetdi

Oʻzbekistonda quyosh va shamol elektr stansiyalari tomonidan ishlab chiqarilgan energiya miqdori 2025 yilning 22 oktabr soati 19:00 holatiga koʻra 9 milliard kVt·soatga yetdi. Bu haqda Energetika vazirligi maʼlum qildi.

Iqtisodiyot

24.10.2025, 10:01