Ukrainaga hamdardlik: Yevropa Ittifoqi va Ukraina elchixonasi “Sariq va Koʻk” koʻrgazmasini taqdim etadi

Koʻrgazma 2026 yil 25–28 fevral kunlari Ilhom Teatrida ochiq boʻladi.

Posterlar orqali loyiha zamonaviy Ukrainani madaniyat, tarix va kundalik hayotning rang-barang mozaykasi sifatida namoyish etadi. U Rossiyaning Ukrainaga qarshi urush sharoitida zaiflik va bardoshlik oʻrtasidagi nozik muvozanatni oʻrganadi va tomoshabinlarni mamlakatning oʻziga xosligi, tajribasi va kuchi bilan chuqurroq tanishtiradi.

2014 yilda tashkil etilgan Piktorik – zamonaviy vizual sanʼat bilan shugʻullanuvchi rassomlar, dizaynerlar va ijodkorlar jamoasi. U dunyo boʻylab 150 dan ortiq koʻrgazmalarni yetakchi xalqaro madaniy muassasalar bilan hamkorlikda tashkil etgan.

Yevropa Ittifoqi Ukrainaga siyosiy, iqtisodiy, harbiy va diplomatik jihatdan qatʼiy qoʻllab-quvvatlashni davom ettiradi va BMT Nizomi tamoyillariga asoslangan adolatli va barqaror tinchlik yoʻlidan fidoyilik bilan harakat qiladi.

Yevropa Ittifoqi Delegatsiyasi va Ukraina Elchixonasi Ilhom Teatriga tashkiliy yordam uchun samimiy minnatdorlik bildiradi.