Ozarbayjonda 3800 yillik jangchi qabri topildi

Qabr ichida 2 metr balandlikdagi jangchining murdasi topildi. Jangchi qoʻlida toʻrt tishli noyob bronza nayzasini ushlab turgani uning katta maqomga ega sarkarda ekanligidan dalolat bermoqda.

Qabr uchta alohida qismga ajratilgan: birinchi qismda jangchining skeleti va jangovar qurollari, ikkinchisida marosim uchun moʻljallangan, ichida pishirilgan hayvon suyaklari (echki, sigir, ot, toʻngʻiz) solingan 12 ta idish, uchinchi qism esa butunlay boʻsh boʻlib, qadimgi odamlarning oʻlimdan keyingi hayot haqidagi eʼtiqodlarini aks ettirgan.

Qabr ustida joylashgan 14 ta bir tonnalik ohaktosh bloklari va bosh qismida oʻrnatilgan buqa shaklidagi tosh haykalcha bu marosimning muqaddasligini yanada kuchaytiradi. Qabr ichida obsidiandan yasalgan asboblar, bronza bilakuzuklar, bezakli munchoqlar va eng hayratlanarlisi — qadimiy dumaloq tosh muhr ham topilgan boʻlib. Bu muhr boshqaruv belgisi yoki mulk ramzi sifatida ishlatilgan boʻlishi mumkin.

Ushbu topilma Kavkaz mintaqasida qadimgi jamiyatlarning harbiy tuzilmasi, marosim madaniyati va ruhiy qarashlari haqida juda koʻp sirlarni ochmoqda.