Озарбайжонда 3800 йиллик жангчи қабри топилди

Қабр ичида 2 метр баландликдаги жангчининг мурдаси топилди. Жангчи қўлида тўрт тишли ноёб бронза найзасини ушлаб тургани унинг катта мақомга эга саркарда эканлигидан далолат бермоқда.

Қабр учта алоҳида қисмга ажратилган: биринчи қисмда жангчининг скелети ва жанговар қуроллари, иккинчисида маросим учун мўлжалланган, ичида пиширилган ҳайвон суяклари (эчки, сигир, от, тўнғиз) солинган 12 та идиш, учинчи қисм эса бутунлай бўш бўлиб, қадимги одамларнинг ўлимдан кейинги ҳаёт ҳақидаги эътиқодларини акс эттирган.

Қабр устида жойлашган 14 та бир тонналик оҳактош блоклари ва бош қисмида ўрнатилган буқа шаклидаги тош ҳайкалча бу маросимнинг муқаддаслигини янада кучайтиради. Қабр ичида обсидиандан ясалган асбоблар, бронза билакузуклар, безакли мунчоқлар ва энг ҳайратланарлиси — қадимий думалоқ тош муҳр ҳам топилган бўлиб. Бу муҳр бошқарув белгиси ёки мулк рамзи сифатида ишлатилган бўлиши мумкин.

Ушбу топилма Кавказ минтақасида қадимги жамиятларнинг ҳарбий тузилмаси, маросим маданияти ва руҳий қарашлари ҳақида жуда кўп сирларни очмоқда.