Oʻzbekiston futbol assotsiatsiyasi OFK tomonidan yirik miqdorda jarimaga tortildi

Gap shundaki, OʻFA 10 iyun kuni "Bunyodkor" stadionida oʻtkazilgan Oʻzbekiston-Qatar uchrashuvida bir qator qoidalarni buzgan. Jumladan, oʻyin tugashi bilan maydonga futbolchilar uchun mukofot sifatida ajratilgan BYD avtomobillari olib kirilgani asosiy sabab qilib koʻrsatilmoqda.

OFK har bir oʻyin uchun mezbonlardan stadion hududida, maydon ichida va atrofida oʻz homiylari brendlaridan boshqa brendlar boʻlmasligini qatʼiy talab qiladi. Chunki, OFK JCh saralash oʻyinlari uchun har bir mezbon jamoaga yaxshigina summa toʻlaydi. 

Agar OʻFA oʻsha kuni maydonga mashinalarni olib kirmasdan futbolchilarga faqat kalitlarni topshirganida edi, 340 ming dollar yoniga qolar edi. 

Demak, 300 ming dollar oʻyin yakunlanganidan soʻng oʻtkazilgan taqdirlash marosimi uchun. 40 ming dollar oʻyindan keyin matbuot anjumani oʻtkazilmaganligi uchun toʻladanigan boʻldi.