O‘zbekiston aholisining 12,4 foizi ko‘p qavatli uylarda yashaydi

Aholini va qishloq xo‘jaligini ro‘yxatga olish tadbirining dastlabki natijalariga ko‘ra, O‘zbekiston aholisining 4,8 million nafari ko‘p qavatli uylardagi xonadonlarda istiqomat qiladi.

Bu jami aholining 12,4 foizini tashkil etadi.

Aholining yashash joyi turlari bo‘yicha taqsimlanishi quyidagicha:

• shaxsiy yakka tartibdagi xonadonlarda yashovchilar - 33,3 million kishi (85,3 foiz);
• ko‘p qavatli uylardagi xonadonlarda yashovchilar - 4,8 million kishi (12,4 foiz);
• boshqa turdagi turar joylarda yashovchilar - 927,3 ming kishi (2,3 foiz).

Boshqa turdagi turar joylarga dala hovli, yotoqxona, mehmonxona va boshqa yashash joylari kiradi.

Avvalroq O‘zbekiston aholisi soni 39 milliondan oshgani haqida xabar bergandik.