Soliq xodimlari pora olayotganda qoʻlga olindi

Keyinchalik rasmiy dalolatnomani topshirish jarayonida bosh inspektor ham ushlandi. Ularga nisbatan JK 210-moddasi 2-qismi “v”, “g” bandlari bilan jinoyat ishi qoʻzgʻatilib, “qamoq” ehtiyot chorasi qoʻllanildi.

Andijon viloyatida soliq inspektori pora bilan ushlandi

Ulugʻnor tumanida quyosh panellari bilan shugʻullanuvchi MChJ tekshiruvi vaqtida turli nomutanosiblik aniqlangan. Soliq inspektori maʼmuriy bayonnoma rasmiylashtirmaslik va bank hisobraqamidagi taqiqni olib tashlash evaziga 500 dollar talab qilgan.

Tezkor tadbirda u 6 mln soʻm ekvivalentidagi pulni 2 ta plastik kartaga oʻtkazib olgan vaqtda ushlandi. Unga nisbatan JK 210-moddasi 2-qismi “v” bandi bilan jinoyat ishi qoʻzgʻatilib, “qamoq” ehtiyot chorasi qoʻllanildi.

Samarqandda davlat ijrochisi pora bilan ushlandi

MIB Samarqand shahar boʻlimi davlat ijrochisi suddagi tanishlari orqali 117,8 mln soʻmlik qarz undirishga oid ijro varaqasini bekor qilib berish, davlat bojidan ozod qilish va avtotransport taqiqini olib tashlashni vaʼda qilib, evaziga 500 dollar talab qilgan.

U pulni tanishi orqali olgan vaqtda DXX va MIB shaxsiy xavfsizlik xodimlari tomonidan ushlandi. Unga nisbatan JK 25,168-moddasi 3-qismi “v” bandi hamda 28,211-moddasi 1-qismi bilan jinoyat ishi qoʻzgʻatilgan.