Oʻzbekistonda mashhur rassom vafot etdi

Rassom oʻtgan asrning 70 yillari oʻrtasida "Xalqlar doʻstligi" saroyi, "Paxtakor" metrosi bekati, "Mehnat zahiralari" sport kompleksi hamda "Zarafshon" restoranining yuz qismiga bezaklar bergan. 

Shuningdek, turli inshootlardagi mozaikalar, Toshkent aeroporti hamda Senat binosining ichki qismidagi chizmalar, "Boysun madonnasi", "Daraxt haqidagi qoʻshiq", "Oʻzbekiston fizika fani arboblari" singari yuzlab asarlar muallifi sifatida nom qoldirgan. 

V.Burmakin Oʻzbekiston hamda Rossiya Federatsiyasi, Buyuk Britaniya, Fransiya, AQSh, Germaniya, Bolgariya, Turkiya, Polsha va boshqa mamlakatlarda koʻplab koʻrgazmalarda ishtirok etgan. 

Uning ishlari koʻplab muzeylar, galereyalar va shaxsiy toʻplamlarda saqlanadi. Birgina Germaniyaning Kyoln shahri yaqinida joylashgan Gummersbax shaharchasidagi "Ecu Hotel" galereyasida 200 dan ortiq ishlari toʻplangan. 

V.Burmakin qirq yildan ortiq Toshkent rassomchilik taʼlim muassasalarida dars berib, oʻnlab qobiliyatli rassomlarni tarbiyaladi va ular hozirda Oʻzbekistonning mashhur rassomlari qatoriga kiradi.