Paralimpiya terma jamoalarini shakllantirish tartibi belgilandi

Nizom iqtidorli sportchilarni aniqlash, tanlash va saralash (seleksiya) orqali paralimpiya sport turlari boʻyicha sport terma jamoalarini shakllantirish tartibini belgilaydi.

Asosiy vazifalar quyidagilardan iborat:

respublika va xalqaro musobaqalarda yuqori natijalarga erishishni taʼminlash;

tayyorgarlik jarayoniga ilgʻor usullarni joriy etish;

sportchilarning jismoniy, texnik-taktik va psixologik tayyorligini takomillashtirish;

jismoniy tarbiya va sogʻlom turmush tarzini targʻib qilish.

Shuningdek, terma jamoalar va ularning zaxirasini shakllantirishga faqat Sport vazirligi tomonidan belgilangan tartibda Sport turlari reyestriga kiritilgan paralimpiya sport turlari boʻyicha yoʻl qoʻyiladi.

Terma jamoalar tarkibi tegishli buyruq bilan bir yil muddatga tasdiqlanadi va kalendar yilning 1 yanvaridan 31 dekabrigacha amal qiladi.