Паралимпия терма жамоаларини шакллантириш тартиби белгиланди

Низом иқтидорли спортчиларни аниқлаш, танлаш ва саралаш (селекция) орқали паралимпия спорт турлари бўйича спорт терма жамоаларини шакллантириш тартибини белгилайди.

Асосий вазифалар қуйидагилардан иборат:

республика ва халқаро мусобақаларда юқори натижаларга эришишни таъминлаш;

тайёргарлик жараёнига илғор усулларни жорий этиш;

спортчиларнинг жисмоний, техник-тактик ва психологик тайёрлигини такомиллаштириш;

жисмоний тарбия ва соғлом турмуш тарзини тарғиб қилиш.

Шунингдек, терма жамоалар ва уларнинг захирасини шакллантиришга фақат Спорт вазирлиги томонидан белгиланган тартибда Спорт турлари реестрига киритилган паралимпия спорт турлари бўйича йўл қўйилади.

Терма жамоалар таркиби тегишли буйруқ билан бир йил муддатга тасдиқланади ва календарь йилнинг 1 январидан 31 декабригача амал қилади.