Piskentdagi koloniyada qiynoqqa solingani aytilgan mahkumda tan jarohati aniqlanmadi — Bosh prokuratura

Aniqlanishicha, T.I. koloniyadagi ichki tartib qoidalarini buzganligi sababli koloniya boshligʻining 28 fevraldagi qaroriga asosan oʻn sutka intizomiy boʻlinmaga kiritish tariqasidagi intizomiy jazoga tortilgan. 

Qaror Toshkent maxsus prokuratura tomonidan oʻrganilib, 04 martdagi intizomiy jazoni bekor qilish boʻyicha protest keltirilgan. 

Joriy yilning 5 mart kuni mahkum T.I. sogʻligʻidan shikoyat qilib, Piskent tuman tez tibbiy yordamga murojaat qilgan va 15 mart kuniga qadar Terapiya boʻlimida “oʻtkir bronxit va surunkali tonzillit kasalligi” tashxisi bilan davolangan.

"Piskent tumani tibbiyot birlashmasining 1798/31-sonli tibbiy bayonnomasidan koʻchirmada mahkum T.I.da tan jarohatlari borligi aniqlandi", deyiladi munosabatda.

Qoʻshimcha qilinishicha, mahkum T.I. koloniya xodimlari tomonidan qiynoqqa solinganligi holati oʻrganilib, voqea joyi koʻzdan kechirilgan hamda mahkum sogʻligʻidan shikoyati yoʻqligi sababli sud-tibbiy ekspertizasidan oʻtishdan bosh tortgan. 

Koloniya xodimlarining xatti-harakatlariga huquqiy baho berish uchun xizmat tekshiruvi tayinlangan. Toshkent maxsus prokuraturasi tomonidan tergovga qadar tekshiruv harakatlari oʻtkazilmoqda