Rossiyaning haftalik harbiy xarajatlari 62 ta hududning yillik byudjetidan oshdi

The Moscow Times nashri Rossiya Moliya vazirligi maʼlumotlariga tayanib xabar berishicha, 2025 yilda harbiy xarajatlar 13,5 trln rublga yetgan.

Bu mablagʻ haftasiga oʻrtacha 259,4 mlrd rublni tashkil etadi. 2026 yilda esa haftalik harbiy xarajatlar qariyb 248,7 mlrd rubl boʻlishi prognoz qilinmoqda. Tahlillarga koʻra, bu koʻrsatkichlar Rossiyadagi 83 hududdan 62 tasining yillik byudjetidan yuqori.

Ayrim hududlar — Kalmikiya, Nenets avtonom okrugi va Yahudiy avtonom viloyati — uchun esa yillik byudjet hajmi Rossiyaning Ukrainadagi urushga bir kunda sarflaydigan mablagʻidan ham kam.