Shavkat Mirziyoyev Qoraqalpogʻistonga nega bordi?

Davlat rahbarining yoshlar bilan uchrashuvi 

Shavkat Mirziyoyevning Qoraqalpogʻistonga tashrifi Kegeyli tumanidagi Juzimbagʻ qishlogʻida uzumchilik bilan shugʻullanayotgan yoshlar bilan uchrashuvdan boshlandi. Ushbu tadbirda Prezident yoshlar bilan ularning qishloq xoʻjaligi sohasidagi faoliyati, uzumchilikdagi innovatsiyalar va tadbirkorlik imkoniyatlari haqida gaplashdi. 

Yoshlar oʻzlarining yangi tashabbuslari va qishloq xoʻjaligi sohasida amalga oshirilayotgan loyihalarini Prezidentga tanishtirdi. Uchrashuv soʻngida esa, Mirziyoyev yoshlarning iqtisodiy faoliyatini ragʻbatlantirish, yangi texnologiyalarni joriy etish va qishloq xoʻjaligi sohasida bilim va koʻnikmalarni oshirish boʻyicha qator chora-tadbirlarni taklif qildi. 

Prezident ijtimoiy-iqtisodiy mavzuda yigʻilish oʻtkazdi

Yoshlar bilan uchrashuvdan soʻng, Mirziyoyev Qoraqalpogʻistonni ijtimoiy-iqtisodiy rivojlantirish yuzasidan kengaytirilgan yigʻilishda qatnashdi. U ishtirokchilar bilan birgalikda hududning iqtisodiy oʻsishini tezlashtirish maqsadida rejalashtirilgan chora-tadbirlarni muhokama qildi. 

Yigʻilishda Qoraqalpogʻistonning iqtisodiyoti va ijtimoiy infratuzilmasini rivojlantirish uchun qaratilgan bir qator yangi dasturlar va loyihalar taqdim etildi. Tadbir davomida davlat rahbari Qoraqalpogʻiston iqtisodiyotini tez rivojlantirish uchun investitsiya, ish oʻrinlari yaratish va eksportni oshirishga alohida eʼtibor qaratayotganini bildirdi. 

"Oʻtgan davr mobaynida Qoraqalpogʻistonga 1,4 milliard dollar toʻgʻridan toʻgʻri xorijiy investitsiyasi kiritildi. 150 ta yangi loyiha ishga tushdi. Tadbirkorlar soni 12 mingdan 25 minggacha oshdi, tijorat maydonlari 1,5 million kvadrat metrga koʻpaydi va doimiy ish oʻrinlari 212 mingga yetdi", deydi Prezident Mirziyoyev. 

Shuningdek, yigʻilishda mikroloyihalardan boshlangan 13 ming tadbirkor kichik biznesga, 351 tadbirkor esa oʻrta biznesga oʻtgani, hududning yillik aylanmasi 100 milliard soʻmdan yuqori boʻlgan tadbirkorlar soni 43 taga yetgani haqida soʻz yuritildi. 

Davlat dasturlari doirasida qurilgan ijtimoiy obʼektlar 

Qoraqalpogʻistonda ilk marta 700 oʻringa moʻljallangan 17 qavatli IT-park qurildi. “Bir million dasturchi” loyihasi doirasida ikki yil ichida 40 mingga yaqin qoraqalpoq yoshlar oʻqitilgan. 

Tuman va shaharlarda 74 ta oilaviy shifokorlik punkti, 81 ta poliklinika va 92 ta mahalla tibbiyot punktlari ishga tushirilgan. Toʻrtkoʻl, Qoʻngʻirot va Chimboy tumanlarida qoʻshma shikastlanish va oʻtkir qon-tomir kasalliklari markazlari tashkil etilgan. 

Oʻtgan davrda tibbiyot muassasalariga 300 milliard soʻmlik 1,5 mingdan ziyod asbob-uskunalar yetkazilgan., yil yakunigacha yana 141 milliard soʻmlik tibbiy anjomlar taqdim etilishi rejalashtirildi. 

Bundan tashqari, tadbir davomida Respublikaning infratuzilmasiga 11 trillion soʻm ajratilishi, bogʻcha qamrovi 28 foizdan 84 foizga oshirilishi, yangi 21 ta maktab qurilishi va 243 tasi toʻliq taʼmirlanishi haqida maʼlumot berildi. 

Orolboʻyi mintaqasidagi oʻzgarishlar 

Shu jumladan, Prezident Mirziyoyev Orolboʻyi mintaqasida iqlim sharoitini yaxshilash maqsadida katta dastur boshlanganini maʼlum qildi. 

Maʼlum qilinishicha, coʻnggi yetti yilda Orol dengizining qurigan tubida 1,9 million gektarda oʻrmonzorlar barpo etilgan. Buning natijasida hududning oʻrmon bilan qoplanish darajasi 19 foizdan 35 foizga oshgan. Ekotizimni yaxshilash, shoʻrlangan va suvsiz muhitda yangi nav va urugʻlarni yaratish uchun Orolboʻyi xalqaro innovatsiya markazi tashkil etilgan. 

Yaqinda tasdiqlangan qishloq xoʻjaligini iqlimga moslashtirish dasturiga koʻra, Orolboʻyi mintaqasida iqlim oʻzgarishi oqibatini yumshatishga 80 million dollar ajratiladi.

Davlat rahbarining tashrifi dorisidagi hanuz etmoqda. Prezident safari yangi PARADIGMA.UZ'da kuzatib boring.