Шавкат Мирзиёев Қорақалпоғистонга нега борди?

Давлат раҳбарининг ёшлар билан учрашуви 

Шавкат Мирзиёевнинг Қорақалпоғистонга ташрифи Кегейли туманидаги Жузимбағ қишлоғида узумчилик билан шуғулланаётган ёшлар билан учрашувдан бошланди. Ушбу тадбирда Президент ёшлар билан уларнинг қишлоқ хўжалиги соҳасидаги фаолияти, узумчиликдаги инновациялар ва тадбиркорлик имкониятлари ҳақида гаплашди. 

Ёшлар ўзларининг янги ташаббуслари ва қишлоқ хўжалиги соҳасида амалга оширилаётган лойиҳаларини Президентга таништирди. Учрашув сўнгида эса, Мирзиёев ёшларнинг иқтисодий фаолиятини рағбатлантириш, янги технологияларни жорий этиш ва қишлоқ хўжалиги соҳасида билим ва кўникмаларни ошириш бўйича қатор чора-тадбирларни таклиф қилди. 

Президент ижтимоий-иқтисодий мавзуда йиғилиш ўтказди

Ёшлар билан учрашувдан сўнг, Мирзиёев Қорақалпоғистонни ижтимоий-иқтисодий ривожлантириш юзасидан кенгайтирилган йиғилишда қатнашди. У иштирокчилар билан биргаликда ҳудуднинг иқтисодий ўсишини тезлаштириш мақсадида режалаштирилган чора-тадбирларни муҳокама қилди. 

Йиғилишда Қорақалпоғистоннинг иқтисодиёти ва ижтимоий инфратузилмасини ривожлантириш учун қаратилган бир қатор янги дастурлар ва лойиҳалар тақдим этилди. Тадбир давомида давлат раҳбари Қорақалпоғистон иқтисодиётини тез ривожлантириш учун инвестиция, иш ўринлари яратиш ва экспортни оширишга алоҳида эътибор қаратаётганини билдирди. 

"Ўтган давр мобайнида Қорақалпоғистонга 1,4 миллиард доллар тўғридан тўғри хорижий инвестицияси киритилди. 150 та янги лойиҳа ишга тушди. Тадбиркорлар сони 12 мингдан 25 минггача ошди, тижорат майдонлари 1,5 миллион квадрат метрга кўпайди ва доимий иш ўринлари 212 мингга етди", дейди Президент Мирзиёев. 

Шунингдек, йиғилишда микролойиҳалардан бошланган 13 минг тадбиркор кичик бизнесга, 351 тадбиркор эса ўрта бизнесга ўтгани, ҳудуднинг йиллик айланмаси 100 миллиард сўмдан юқори бўлган тадбиркорлар сони 43 тага етгани ҳақида сўз юритилди. 

Давлат дастурлари доирасида қурилган ижтимоий объектлар 

Қорақалпоғистонда илк марта 700 ўринга мўлжалланган 17 қаватли IT-парк қурилди. “Бир миллион дастурчи” лойиҳаси доирасида икки йил ичида 40 мингга яқин қорақалпоқ ёшлар ўқитилган. 

Туман ва шаҳарларда 74 та оилавий шифокорлик пункти, 81 та поликлиника ва 92 та маҳалла тиббиёт пунктлари ишга туширилган. Тўрткўл, Қўнғирот ва Чимбой туманларида қўшма шикастланиш ва ўткир қон-томир касалликлари марказлари ташкил этилган. 

Ўтган даврда тиббиёт муассасаларига 300 миллиард сўмлик 1,5 мингдан зиёд асбоб-ускуналар етказилган., йил якунигача яна 141 миллиард сўмлик тиббий анжомлар тақдим этилиши режалаштирилди. 

Бундан ташқари, тадбир давомида Республиканинг инфратузилмасига 11 триллион сўм ажратилиши, боғча қамрови 28 фоиздан 84 фоизга оширилиши, янги 21 та мактаб қурилиши ва 243 таси тўлиқ таъмирланиши ҳақида маълумот берилди. 

Оролбўйи минтақасидаги ўзгаришлар 

Шу жумладан, Президент Мирзиёев Оролбўйи минтақасида иқлим шароитини яхшилаш мақсадида катта дастур бошланганини маълум қилди. 

Маълум қилинишича, cўнгги етти йилда Орол денгизининг қуриган тубида 1,9 миллион гектарда ўрмонзорлар барпо этилган. Бунинг натижасида ҳудуднинг ўрмон билан қопланиш даражаси 19 фоиздан 35 фоизга ошган. Экотизимни яхшилаш, шўрланган ва сувсиз муҳитда янги нав ва уруғларни яратиш учун Оролбўйи халқаро инновация маркази ташкил этилган. 

Яқинда тасдиқланган қишлоқ хўжалигини иқлимга мослаштириш дастурига кўра, Оролбўйи минтақасида иқлим ўзгариши оқибатини юмшатишга 80 миллион доллар ажратилади. 

Давлат раҳбарининг ташрифи дорисидаги ҳануз этмоқда. Президент сафари янги PARADIGMA.UZ'да кузатиб боринг.