Shota Rustaveli koʻchasida 3 ta avtobus yoʻnalishining harakati tiklandi

Loyiha maqsadi — jamoat transportiga ustuvorlik berish, tirbandliklarni kamaytirish va yoʻlovchilar uchun qulay hamda xavfsiz sharoit yaratishdir, deyiladi Transport vazirligi xabarida.

Yoʻlovchilar uchun eslatma:

Avtobuslar yoʻlning oʻrta qismidagi maxsus ajratilgan yoʻlakda harakatlanadi;

Platformaga faqat belgilangan piyodalar oʻtish joylari orqali chiqing;

Avtobus toʻliq toʻxtagandan soʻng eshikka yaqinlashing;

Keksalar, nogironligi boʻlgan shaxslar va bolali yoʻlovchilarga yoʻl bering.

Haydovchilar uchun:

Markaziy avtobus yoʻlagi faqat avtobuslar uchun moʻljallangan;

Boshqa transport vositalarining u yerda harakatlanishi yoki toʻxtashi qatʼiyan taqiqlanadi;

Har ikki yoʻnalishda ham chapga burilish va orqaga qayrilgan holda harakatlanish taqiqlanadi.

Markaziy avtobus yoʻlagi (BRT) — Toshkent transport tizimini zamonaviylashtirish yoʻlidagi muhim qadamdir.

Barcha yoʻl harakati ishtirokchilaridan hamkorlik, ehtiyotkorlik va madaniyatli harakat talab etiladi.