Shota Rustaveli koʻchasida avtobuslar harakatlana boshladi

Birinchi bosqichda 38-, 57- va 58-sonli avtobuslar aynan shu yoʻlakda harakatlanadi.

Loyiha maqsadi:

jamoat transportiga ustuvorlik berish, tirbandlikni kamaytirish va yoʻlovchilar uchun xavfsizlikni taʼminlash.

Yoʻlovchilar uchun muhim:

Avtobuslar yoʻlning oʻrta qismidan harakatlanadi;

Chiqish va tushish — oʻrtadagi maxsus platformalarda;

Faqat belgilangan piyodalar yoʻli orqali oʻting;

Sariq xavfsizlik chizigʻidan chiqmang, avtobus toʻxtagandan keyin yaqinlashing;

Avval keksalar va nogironligi boʻlgan shaxslarga yoʻl bering.

Haydovchilar uchun:

Markaziy yoʻlak faqat avtobuslar uchun;

Bu yoʻlakda boshqa transport vositasi harakatlanishi yoki toʻxtashi taqiqlanadi;

Chapga burilish va qayrilish — taqiqlangan;

Avtobuslarga ustuvorlik bering.

Bu oʻzgarishlar — Toshkent transport tizimini zamonaviylashtirish yoʻlidagi muhim qadam.

Barcha harakat ishtirokchilaridan ehtiyotlik va madaniyat talab qilinadi.