AQŞ Yevropadan voz keçişi mumkin – Tramp

Oq uyda jurnalistlar 19 oktyabr kuni Kanzas ştatidagi saylovoldi mitingida aytilgan bayonotga izoh berişni söradi. Jurnalist Trampdan AQŞ Yevropani «taşlab ketişi» mumkinligi haqidagi gaplarini aniqlaştirişni söraganida, u bu fikrini tasdiqladi.

«Ha, taşlab ketişi mumkin», – dedi Amerika prezidenti.

Şu bilan birga, Tramp bunday vaziyatda Vaşington qanday amaliy çoralar körişi mumkinligini oçiqlamadi. Uning aytişiça, Yevropa öz xatti-harakatlarini özgartirişi kerak.

«Biz yordam berişni xohlaymiz. Ular bilan birga bölişni istaymiz», – dedi u. Biroq Yevropa hozirgi yölidan borişda davom etsa, yaqin kelajakda uning bugungi qiyofasi saqlanib qolmasligi mumkinligini ta’kidladi.

Tramp Frantsiya, Buyuk Britaniya, Ispaniya va Italiyadagi migratsiya nazorati bilan boğliq muammolarni ham tilga oldi. Uning fikriça, noqonuniy ravişda mamlakatga kirgan şaxslarni çiqarib yuboriş zarur, aks holda Yevropa Ittifoqining kelajagi xavf ostida qolişi mumkin.

Bir kun avval ham Amerika prezidenti ommaviy migratsiya masalasiga töxtalib, Yevropa tez orada öz yölini topişi kerakligini aytgan edi. Aks holda, uning ta’kidlaşiça, AQŞning Yevropani tark etişdan boşqa çorasi qolmasligi mumkin.

Ayrim amerikalik kuzatuvçilar Trampning bu bayonotlarini AQŞning yaqin istiqbolda NATO tarkibidan çiqişi ehtimoliga işora sifatida ham talqin qilgan.