AQSH saylovlarida musulmon nomzodlar mavzusi siyosiy bahs markaziga aylandi

AQSHda 3-noyabr kuni o‘tadigan oraliq saylovlar yaqinlashar ekan, musulmon nomzodlar va islom mavzusi muhokamalar markazida.

Reuters xabariga ko‘ra, ayrim respublikachi siyosatchilar demokrat musulmon nomzodlarni terrorizm, ekstremizm va milliy xavfsizlik masalalari bilan bog‘lab tanqid qilmoqda.

Michigan shtatida Demokratlar partiyasidan Senatga nomzod Abdul El-Sayed respublikachilarning asosiy nishonlaridan biriga aylangan. Vitse-prezident J.D. Vens El-Sayedni terrorizmni himoya qilishda ayblagan. Bu bayonotlar nomzodning Detroytdagi sinagogaga uyushtirilgan hujumdan keyingi fikrlari bilan bog‘liq. El-Sayed esa ushbu talqinlarni rad etgan.

Texas va Alabamada ham musulmonlar mavzusi

Texas gubernatori Greg Abbott musulmonlar boshchiligidagi rivojlantirish loyihasini tanqid qilib, u yerda “shariat sudlari” tashkil etilishi mumkinligini da’vo qildi. Reuters mazkur da’volarni asossiz deb qayd etdi.

Alabama shtatida esa respublikachi senator va gubernatorlikka nomzod Tommy Tuberville “radikal islom” mavzusini ilgari surmoqda.

Bu holatlar musulmon nomzodlarning siyosiy maydondagi mavqeyi ortib borayotgan bir paytda yuz bermoqda. Reuters musulmon siyosatchilar AQSH saylovlarida tobora ko‘proq ko‘rinish berayotganini, shu bilan birga ularning diniy mansubligi siyosiy hujumlarga sabab bo’layotganini ta’kidladi.

Shu tariqa 2026-yilgi oraliq saylovlar oldidan musulmonlarning siyosiy vakilligi, milliy xavfsizlik va diniy erkinlik masalalari AQSHdagi siyosiy bahslarning qizg’in mavzularidan biriga aylanmoqda.