AQŞ Senatiga ilk musulmon saylandi

4-noyabr kuni Miçigan ştatidan vakil bölgan demokrat Abdul El-Sayed AQŞ Senatidagi böş örinni egalladi. Şu tariqa u Senatga saylangan ilk musulmon böldi.

Murosasiz keçgan saylovdagi bu ğalaba Demokratlar partiyasi uçun katta muvaffaqiyat hisoblanadi. Çunki nafaqaga çiqayotgan demokrat senator Geri Pitersning örni Respublikaçilar tomonidan egallanmadi.

Soğliqni saqlaş sohasining sobiq rasmiysi, 42 yoşli El-Sayed asosiy e’tiborini mehnatkaş oilalarning xarajatlarini qisqartiriş hamda siyosatda korporatsiyalar ta’sirini kamaytirişga qaratdi.

Uning saylovoldi dasturidan partiyasidagi progressiv kuçlar qöllab-quvvatlaydigan, davlat tomonidan moliyalaştiriladigan barça fuqarolar uçun universal tibbiy suğurta — Medicare for All taşabbusi ham örin olgan.

Seşanba kungi oraliq saylovlar arafasida respublikaçilar Senatda 53-47 nisbatida ustunlikka ega böldi.

El-Sayedning raqibi – 63 yoşli sobiq kongressmen Mayk Rojers saylovoldi poygasiga Tramp hamda respublika darajasidagi partiyadoşlarining kuçli qöllab-quvvatlovi bilan kirib kelgandi. U El-Sayidni islomiy ekstremizmga xayrixoh radikal nomzod sifatida körsatişga urindi. El-Sayid isbotini topmagan bu da’volarni rad etib keladi. Demokratlar mazkur diniy mansublikka qarşi hujumlar islomofobik xarakterda ekanini ta’kidlaşgan.

Şuningdek, Rojers El-Sayidning AQŞning Isroilga körsatayotgan harbiy yordamiga qarşi çiqişi va uning Ğazodagi xatti-harakatlarini genotsid deb ta’riflaşiga ham urğu berib, yahudiy saylovçilarni öz tomoniga oğdirişga urindi.

Şunga qaramay, saylovçilarning iqtisodiyot böyiça xavotirlari va Trampning tuşib ketgan reytingi tufayli yakunda El-Sayed ğalaba qozondi.