Soʻnggi 9 oyda tez yordamga 10 millionga yaqin chaqiriq boʻldi — SSV

Respublika tez tibbiy yordam markazi direktori Abduvoitjon Gafurovga koʻra, shu yil yanvar-sentabr oylarida  tez yordamga jami 9 million 958 ming 507 ta murojaat qayd etilgan.

"Bajarilgan chaqiruvlarning aksariyati, yaʼni 7 million 107 ming 703 tasi shoshilinch koʻrsatma bilan, shundan surunkali kasalliklar — 2 million 531 ming 699 ta va tugʻuruqlar — 64 ming 446 tasini tashkil qilgan", deydi u.

"103"ga murojaat qilgan fuqarolarning koʻpchiligi Fargʻona, Andijon, Namangan,Toshkent viloyati hamda Toshkent shahridan boʻlgan. Jumladan, 1 040 546 ta chaqiriq Fargʻona viloyatidan, 1 013 131 tasi Andijon viloyatidan, 933 600 tasi Namangan viloyatidan, 1 007 327 tasi Toshkent shahridan, 933 600 tasi Toshkent viloyatidan qilingan qoʻngʻiroqlar boʻlgan. 

Eng kam chaqiriq esa Navoiy (296 046 ta), Sirdaryo (335 010 ta), Jizzax (399 342 ta) Buxoro (482 325 ta) hamda Xorazm viloyatlarida (489 761 ta) kuzatilgan. 

Maʼlumot uchun, bugungi kunda  tez yordam xizmatida jami 2 853 ta tibbiy brigada faoliyat olib bormoqda.