Surxondaryoda davlat zaxirasidagi yerni sotmoqchi boʻlgan kadastr xodimi qoʻlga tushdi

Maʼlum boʻlishicha, Kadastrlar palatasining Jarqoʻrgʻon tumani filiali xodimi Oʻ.B. fuqaro B.R. bilan jinoiy til biriktirib, davlat zaxirasidan 40 sotix yer maydonini 200 million soʻm evaziga berish va 4 million soʻmga kadastr hujjatlarini rasmiylashtirishni taklif qilgan.

Shu asosda kelishilgan 204 million soʻmni olgan vaqtda ular ashyoviy dalillar bilan qoʻlga olingan.

Holat yuzasidan Jinoyat kodeksining 168-moddasi 3-qismi “a, v” bandlari bilan jinoyat ishi qoʻzgʻatilib, tergov harakatlari boshlangan.