#pora

Qoraqalpogʻiston Respublikasi Beruniy tumani hokimining oʻrinbosari Taxiatosh tumanida faoliyat olib borayotgan qizilmiya ildizlarini qayta ishlashga ixtisoslashgan MChJ rahbariga qizilmiya ildizini yetishtirishi uchun Beruniy tumani hududidan 150 gektar yer maydoni ajratib berish evaziga 12 ming AQSh dollari olgan vaqtida ashyoviy dalillar bilan ushlandi.

Toshkent viloyatining Ohangaron shahar hokimligida boʻlim boshligʻi lavozimida faoliyat yurituvchi mansabdor shaxs xizmat mavqeidan foydalangan holda, hokimiyat balansiga oʻtkazilishi rejalashtirilayotgan 3 xonali xonadonni sud tizimidagi tanishlari orqali uning nomiga rasmiylashtirib berishni vaʼda qilib, fuqarodan 18 ming 500 AQSh dollar talab qilib, 9500 AQSh dollari olayotgan vaqtida ashyoviy dalillar bilan qoʻlga tushdi. Bu haqda Davlat xavfsizlik xizmati xabar qildi.

Urganch shahar prokuraturasi katta tergovchisi mansab mavqeidan foydalanib, dastlabki tergov harakatlari olib borilayotgan jinoyat ishini ayblov xulosasi bilan sudga yuborilmasdan, tergovda tugatib berish evaziga 3000 AQSh dollari talab qilgan. Bu haqda Davlat xavfsizlik xizmati xabar qildi.

Davlat kadastr palatasining Toshkent viloyati Oqqoʻrgʻon tumani filiali kadastr muhandisi oʻz xizmat mavqeidan foydalanib, fuqaro tomonidan oʻzboshimchalik bilan egallab olingan 9 sotix yerni uy-joy qurish uchun ruxsat olib berish evaziga 1200 AQSh dollari talab qilgan. Bu haqda Davlat xavfsizlik xizmati xabar qildi.

Toshkent shahrida 2 nafar advokat va huquqshunosning noqonuniy qilmishlari Davlat xavfsizlik xizmati xodimlari tomondan fosh etildi.

Davlat xavfsizligi xizmati xodimlari tomonidan Toshkent va Jizzax viloyatlarida hokim yordamchilarining noqonuniy harakatlariga chek qoʻyildi. 

6 oyda 47 nafar amaldor 600 ming AQSh dollariga yaqin pora bilan ushlandi. Ularning orasida 2 ta kadastr xodimi, 5 ta soliq inspektori, 3 ta  prokuror, 5 ta hokim yordamchisi va bir nafar hokim ham bor. 

Joriy yilning fevral oyida Buxoro viloyati Kogon tumani prokurori Bahodir Gʻulomov katta miqdorda pora bilan qoʻlga olingandi. Uning ishi 2 avgust kuni jinoyat ishlari boʻyicha Samarqand shahar sudida koʻrib chiqilib, sud hukmi oʻqildi. Bu haqda Oliy sud matbuot kotibi Aziz Obidov Paradigma.uz’ga maʼlum qildi.