O‘qishni ko‘chirishda milliy va xalqaro sertifikatlar muhimmi?

Xorijiy va nodavlat oliy ta’lim tashkilotlaridan davlat oliy ta’lim muassasalariga o‘qishni ko‘chirish istagida bo‘lgan talabalar uchun sertifikatlar muhim ahamiyatga ega.

Ayrim milliy va xalqaro sertifikatlarga ega talabgorlarga tegishli fanlar bo‘yicha tabaqalashtirilgan yoki maksimal ball beriladi. 

Amaldagi tartibga ko‘ra, xorijiy va nodavlat oliygohdan davlat oliygohlarining mos va turdosh bakalavriat ta’lim yo‘nalishlariga o‘qishni ko‘chirishda quyidagi sertifikatlar inobatga olinadi:

• Milliy sertifikatlar;
• Xalqaro sertifikatlar ( “A Level” – kimyo, matematika, biologiya, fizika fanlari, “B” va undan yuqori darajadagi sertifikatlar);

• Chet tili bo‘yicha sertifikatlar (V2 va undan yuqori daraja):

   - ingliz tili — IELTS (5.5+), TOEFL iBT (72+), Cambridge  - Exams, Linguaskill, iTEP;
   - nemis tili — TestDaF,
   - DSD, Goethe-Zertifikat;
   - fransuz tili — DELF/DALF, Test de Connaissance du  -  - Français (TCF);
   - ispan tili — DELE, SIELE;
   - turk tili — TYS;
   - koreys tili — TOPIK II;
   - arab tili — AT Tanal Al Arabi;
   - xitoy tili — HSK

   

Milliy sertifikatlar axborot tizimi orqali avtomatik tarzda aniqlanadi. 

Xalqaro sertifikatlarga ega talabgorlar esa ariza topshirish jarayonida ushbu hujjatlarni elektron shaklda tizimga yuklashlari kerak.

O‘qishni ko‘chirishni rejalashtirayotgan talabalarga sertifikatlarining amal qilish muddati va belgilangan talablarga to‘liq mosligini oldindan tekshirib chiqishlarini maslahat beramiz.