"Tashabbusli byudjet" ga ovoz yigʻish uchun 39 nafar fuqaro majburlangan

Qayd etilishicha, 1280 raqamiga Fargʻonadan 7 ta , Namangan va Jizzaxdan 5 ta, Toshkent shahridan 6 ta majburan ovoz yigʻish holati boʻyicha murojaat kelib tushgan. Shuningdek, umumtaʼlim maktablari boʻyicha 19 ta murojaat tibbiyot tashkilotlari boʻyicha esa 16 ta shikoyat yoʻllangan.

"Hozirda kelib tushgan barcha murojaatlar koʻrib chiqish uchun tegishli tuman (shahar) Xalq deputatlari Kengashlariga yuboriladi hamda holat oʻz tasdigʻini topsa, mazkur loyihalar ovoz berish bosqichidan chetlatiladi yoki gʻoliblar roʻyxatidan chiqarilishi mumkin" deyiladi xabarda.

Maʼlumot uchun, yaqinda Buxoro viloyatida ham maktab oʻqituvchilari “Tashabbusli byudjet”ga ovoz yigʻishga majburlanyapti degan xabarlar tarqalgandi.