"Ташаббусли бюджет" га овоз йиғиш учун 39 нафар фуқаро мажбурланган

Қайд этилишича, 1280 рақамига Фарғонадан 7 та , Наманган ва Жиззахдан 5 та, Тошкент шаҳридан 6 та мажбуран овоз йиғиш ҳолати бўйича мурожаат келиб тушган. Шунингдек, умумтаълим мактаблари бўйича 19 та мурожаат тиббиёт ташкилотлари бўйича эса 16 та шикоят йўлланган.

"Ҳозирда келиб тушган барча мурожаатлар кўриб чиқиш учун тегишли туман (шаҳар) Халқ депутатлари Кенгашларига юборилади ҳамда ҳолат ўз тасдиғини топса, мазкур лойиҳалар овоз бериш босқичидан четлатилади ёки ғолиблар рўйхатидан чиқарилиши мумкин" дейилади хабарда.

Маълумот учун, яқинда Бухоро вилоятида ҳам мактаб ўқитувчилари “Ташаббусли бюджет”га овоз йиғишга мажбурланяпти деган хабарлар тарқалганди.