Toshkentda hokim yordamchisi 20 kishining nomiga olingan kreditni oʻzlashtirgani aniqlandi

Unga koʻra, hokim yordamchisi lavozimida oʻtirgan M.F. 20 nafar fuqaroga elektron tarzda berilgan tavsiyanomalariga asosan, qabul qilib olgan elektron kalitlardan foydalangan holda jami  427,7 mln soʻmlik kredit mablagʻlarini qoʻlga kiritgan. 

U bu pullarni oilaviy tadbirkorlikni rivojlantirish, jumladan ehtiyojmand oila aʼzolarining hunarmandchilik, kasanachilik, tomorqadan samarali foydalanish, kichik ishlab chiqarish, xizmat koʻrsatish va boshqa turdagi faoliyati yoʻlga qoʻyilishini tashkillashtirmasdan, oʻz ehtiyojlariga sarflab yuborgan. 

Shuningdek, M.F. oʻzining qarindoshlari va boshqa 5 nafar fuqaroga mahalla hududida yashamagan boʻlsada, qalbaki tavsiyanomalar orqali jami 207,7 mln soʻm miqdoridagi kredit mablagʻlari ajratilishiga erishib, oʻzlashtirish yoʻli bilan talon-toroj qilgan. 

Mazkur holat yuzasidan Jinoyat kodeksining 168-moddasi 4-qismi "a" bandi va boshqa moddalari bilan jinoyat ishi qoʻzgʻatilgan. Hozirda dastlabki tergov harakatlari olib borilmoqda.