Украинага қарши урушда 20 минг нафар Марказий Осиё фуқаролари иштирок этмоқда — Бастрикин

Россия-Украина урушида Россия томонидан Украинага қарши жангда Россия фуқаролигини олган 20 минг нафар Марказий Осиё фуқароси иштирок этмоқда. Бу ҳақда Россия Федерацияси Тергов қўмитаси раиси Александр Бастрикин Петербургдаги халқаро ҳуқуқшунослик форумида маълум қилди.

Жаҳон

21.05.2025, 11:02

Lotinchada

Улашиш:

Ukrainaga qarshi urushda 20 ming nafar Markaziy Osiyo fuqarolari ishtirok etmoqda — Bastrikin

"Бизнинг ҳарбий тергов бошқармамиз текширувлар ўтказмоқда. Биз аллақачон 80 минг нафар шундай Россия фуқаросини аниқладикки, улар жанг майдонига бориш у ёқда турсин, ҳарбий комиссариатга боришни ҳам хоҳламайди. Бу 80 минг кишини топиб, ҳарбий рўйхатга киритдик. Ҳозирда Ўзбекистон, Тожикистон, Қирғизистонда яшашни хоҳламаган 20 минг нафар "янги" Россия фуқароси жанг майдонида хизмат қилмоқда," деган у.

Шунингдек, у Россиядан чиқариб юборилган кўплаб муҳожирлар ўз ватанларида жиноят содир этаётганини таъкидлади.

"Биз муҳожирларни кўпроқ чиқара бошлаганимиздан сўнг, уларнинг ватанларида жиноятчилик кескин кўпайди. Бу нимани англатади? Бизга жиноятчилар келяпти. Биз уларни тезроқ аниқлаш учун криминалистик рўйхатга олиш тизимларини ишга туширяпмиз", деган Бастрикин.

Эслатиб ўтамиз, аввалроқ Украина разведкаси қарашли "яшашни хоҳлайман" лойиҳаси Украинага қарши урушда иштирок этаётган 11 минг нафар Ўзбекистон фуқароларининг рўйхатини эълон қилган эди. Бироз вақт ўтиб, асирга тушган Ўзбекистон фуқаролари Президент Шавкат Мирзиёевдан ёрдам сўра, видео мурожаат қилишган эди.

Ўша вақтда PARADIGMA.UZ Ташқи ишлар вазири матбуот котиби Аҳрор Бурҳонов билан боғланган эди.

Унга кўра, видео мурожаат билан чиққан фуқароларнинг шахсига аниқлик киритилаётган эди.

Жаҳон

21.05.2025, 11:02

Улашиш:

#Ўзбекистон #Марказий Осиё #Россия-Украина уруши

мавзуга оид янгиликлар