UzAuto Motors shartnomasidagi 21 ta kichik band oʻzgartirildi

Qayd etilishicha, UzAuto Motors shartnomalaridagi bir tomonlama shartlar bekor qilindi.

Qoʻmita tahlili natijasida kompaniya shartnomasining 21 ta kichik bandi qonun talablariga muvofiqlashtirildi.

Xususan, pulni qaytarish muddati shartnoma imzolngan kunidan boshlab 30 kunda emas 10 kunga qisqartirildi.

Ishlab chiqaruvchiga bogʻliq boʻlmagan hollarda, ishlab chiqarishda vaqtincha uzilish yuz bersa, avtomobilni yetkazib berish muddati 3.1-bandida belgilangan muddatdan 45 kungacha uzaytirilishi mumkinligi sotuvchining majburiyatlari boʻlimida belgilangan edi. Endilikda 10 kun muddatga qisqartirildi.

Bir rusumdagi avtomobil uchun bir yilda qayta shartnoma tuzish holati aniqlanganda, avtomobilni yetkazib berish muddati qoʻshimcha 120 kungacha uzaytirilishi mumkin edi. Endilikda bu band toʻliq olib tashlandi.

Shuningdek, shartnomada sotuvchining qonunchilikda belgilangan majburiyatlari  ham aniq belgilab qoʻyildi.