Ismoil Joʻrabekov 94 yoshida vafot etdi

U 1931 yil 12 sentabrda Samarqand viloyatida tugʻilgan. Faoliyati asosan suv va qishloq xoʻjaligi sohalari bilan bogʻliq boʻlib, «Samarqandsuvqurilish» tresti boshqaruvchisi, Oʻzbekiston melioratsiya va suv xoʻjaligi vazirining birinchi oʻrinbosari, keyinchalik vazir lavozimlarida ishlagan.

Mustaqillik yillarida qishloq va suv xoʻjaligi vaziri, Bosh vazirning birinchi oʻrinbosari, Prezidentning qishloq xoʻjaligi masalalari boʻyicha davlat maslahatchisi sifatida faoliyat yuritgan. 2021 yilda suv xoʻjaligi vaziri maslahatchisi sifatida davlat xizmatiga qaytgan.

Joʻrabekov «Oʻzbekiston Respublikasida xizmat koʻrsatgan irrigator», «Oʻzbekiston Respublikasida xizmat koʻrsatgan quruvchi» unvonlari, «Mehnat shuhrati», «El-yurt hurmati», «Buyuk xizmatlari uchun», «Doʻstlik», «Fidokorona xizmatlari uchun» ordenlari va bir qator esdalik nishonlari bilan taqdirlangan.